شات شفيعى مارجرجس الرومانى
عزيزى الزائر يشرفنا تواجدك معنا وارجوا التسجيل فى المنتدى url=http://al3adra.ahlamuntada.com/profile.forum?mode=register]من هنا[/url او التعريف بنفسك من هنا[/b]


ترانيم ٌ فيديو ٌ برامج للتحميل ٌ افلام مسيحية ٌ قصص ومعجزات ٌ صور دينية
 
الرئيسيةالبوابةس .و .جبحـثالأعضاءالمجموعاتالتسجيلدخولجروب الفيس بوك

شاطر | 
 

 اشهر جمل بيقولوها الاب والام لابنائهم ههههههه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
دوحه ابن مارجرجس

avatar

ذكر عدد المساهمات : 220
16409
تقييم العضو : 0
تاريخ التسجيل : 11/12/2010

مُساهمةموضوع: اشهر جمل بيقولوها الاب والام لابنائهم ههههههه   الأربعاء 15 ديسمبر 2010, 1:00 pm


أشهر جمل بيقولوها الأب و الأم في مصر :



انت فاكرنا لاقين الفلوس ديـــ في الشارع .

* ما تتكلمش بصوت عالي في الحمام .

* والله ما انت فالح .. وادي دقني أهه .

* ما تنمش غير لما تغسل سنانك .

* ما تلزقش في التلفزيون كده .. نظرك هيضيع .

* سلم على عمك كويس يا ولد .

* يا ابني محدش هينفعك .

* ما تطلعش ايدك من الشباك .

* قصة الغريق الكاذب اللي كل مره يقول الحقوني ... لحد ما غرق بجد .

* ربنا يرزقك بعيل يوريك اللي ورتهوني .

* ما تطلعش على الملايه النظيفه و رجليك متوسخه كده .

* نسيت تشرب ؟ نسيت تاكل ؟ نسيت تاخد المصروف ؟ نسيت تعكنن عليا و على امك ؟

* طلع ايدك من جيبك و انت بتكلمني .

* ايه الا مبالاه و الاستهتار اللي انت عايش فيهم دول .

* قوم اقرا لك كلمتين ينفعوك .

* وطي المدعوق ده شويه .

*
انت فاكرنا نايمين على ودانا ؟

* يا ابني انت مسطول ولا ايه ؟

* ما تلبسش القميص على اللحم زي العيال الصايعه .

* بلاش أكل بره .

* كلمنا لما توصل .

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* لازم تأكل سلطه .

* اوعى تكدب عليا كده تاني مرره .

* اوعى حد غريب يديلك حاجه تاكلها و تشربها و تاخدها منه .

* يا ابني كلم خالتك العيانه اسأل عليها .

* بلاش لعب في الشارع .

* ما تعليش صوتك .

* وانت فاكر احنا مستنيين منك حاجه .

* المسلسل مش هينفعك ...قوم .


* ما تقعدش قدام المروحه وانت مستحمي .

* كفايه رغي في التليفونات .

* بلاش وقفة الشبابيك و البلكونات .

* اوعى تقول لحد هات لي حاجة .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر . أو اطفي التلفزيون و خش اوضتك .

* ربنا يهديك ربنا يهديك ... وأحيانا .. انك لا تهدي من أحببت .

*
صليت العصر ؟!

* ما تمشيش حافي في السقعة دي

* ما فيش مذاكرة على المزيكا .. أو .. بتذاكر إزاي و البتاع ده شغال جنبك .

* افرد ظهرك .

* ما تتأخرش بعد المدرسه و تقعد تصيع مع أصحابك .

* بص كويس و انت بتعدي الشارع .

* ومالها الكتب بتاعة الوزاره ؟!

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* تقعد في أول صف قدام السبوره .

* ما تردش عليا .

* مش عايز اسمع صوت .

* مالكش دعوة بالسياسة .. وماتمشيش في مظاهرات .

* التهديدات المخيفة شكلا و الكارتونية مضمونا : مثل: هأقطم رقبتك أو هأقطع ايدك أو هأقطع لك لسانك أو هأدبحك دبح .

* و أخيرا ::

ضرب امثلة تشجع على الكفاح و أشهرها أحد الأقارب اللي كان بيذاكر على لمبة جاز أو على عامود النور الي في الشارع و نجح وخد الدكتوراه وسافر أمريكا



علق هدومك مكانهم ماترمهمش على السرير

هو انا الخدامه اللى جايبهالك ابوك

قون نام جوه مافيش حد هايشيلك ماتنمش قدام التلفزيون

غير يا ابنى الشراب الجيران اتخنقو من الريحه

يا بنتى مافيش واحد بيتجوز بنت مشى معاها

ايه الجيل المهبب ده على اساس اننا مولودين قدام بابور جاز

خلى الكوره تنفعك اسامه ابن خالتك دخل صيدله

مش عاجبك السمين ده انا كنت زمان بشرب كبايه اللبن وعليها يبضين على الريق

انتو جيل خرع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ابن الملك
مشرف عام
مشرف عام


ذكر العذراء عدد المساهمات : 301
17983
تقييم العضو : 7
تاريخ التسجيل : 26/10/2010
العمر : 31

مُساهمةموضوع: رد: اشهر جمل بيقولوها الاب والام لابنائهم ههههههه   السبت 18 ديسمبر 2010, 6:38 am

ههههههههههههههههههههههههه cheers عندك حق لو الدنيا كلها اتغيرت الجمل دة مش هتتغير cheers ربنا يبارك حياتك حبيبي cheers

+_+_+_+_+_+_+_+_+_+_+_+_+
affraid مـــــــــ ابن ـــــــايـــــــــ الملك ـــــــكل affraid
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دوحه ابن مارجرجس

avatar

ذكر عدد المساهمات : 220
16409
تقييم العضو : 0
تاريخ التسجيل : 11/12/2010

مُساهمةموضوع: رد: اشهر جمل بيقولوها الاب والام لابنائهم ههههههه   السبت 18 ديسمبر 2010, 11:22 am

يارب ديما تكون سعيد وميرسى جدا لمرورك العطرر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
اشهر جمل بيقولوها الاب والام لابنائهم ههههههه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شات شفيعى مارجرجس الرومانى :: الفـــــرافشـــــه-
انتقل الى: